Kokkakeppni - Uppskriftir úr Kokkakeppni Rimaskóla 2008

Kokkakeppni.is - Forsíða

Kokkakeppni Rimaskóla 2006

Kokkak. Grunnsk. 2007 <<<	Kokkakeppni Rimaskóla 2008	>>> Kokkak. Grunnsk. 2008
1. sæti	2. sæti	3. sæti
Nætursaltaður þorskhnakki í mandarínu og teriyaki með sítruskúskús Ásdís, Ástrós, Birta og Kristín Björk 250 g nætursaltaður þorskhnakki 25 g ostrusósa 25 g teriyaki sósa 75 g frosið appelsínuþykkni (McCain) ¼ sítróna 12 g sesamfræ (hvít og svört) 5 strimlar graslaukur 25 g tómatar 25 g blaðlaukur 25 g apríkósur ½ mandarína Aðferð Setjið ostrusósuna, mandarínuþykkni, safann úr sítrónunni, sesamfræ og saxaðan graslauk í skál. Skerið þorskinn í bita og bætið í skálina. Skerið blaðlauk, tómata, mandarínu og apríkósur í bita og setjið í skálina með fiskinum. Blandið vel saman og setjið í eldfast mót. Bakið í 6 mínútur. Bætið nokkrum sesamfræjum ofan á réttinn og bakið áfram í 4 mínútur. Kúskús með sítrónu og mandarínubitum 1 dl couscous 1 dl vatn ¼ kjúklingateningur Látið suðuna koma upp á vatninu og kjúklingateningnum. Hrærið kúskúsið saman við með gaffli. Takið pottinn af hellunni og látið standa undir loki í 4 mínútur. 4 lauf mandarína 1 tsk. nýkreistur sítrónusafi 1 msk. fínt saxaður blaðlaukur 1 msk. mjög fínt saxaðar apríkósur 2 tsk. appelsínuþykkni (Mc Cain) Skerið mandarínu í litla bita. Blandið öllu saman við kúskúsið með gaffli. Setjið kúskúsið á disk með hringformi. Raðið þorskinum ofan á, ausið sósu ofan á og leggið graslaukinn yfir til skreytingar. Setjið nokkrar doppur af soði og grænmeti hér og þar í hring í kringum réttinn á diskinum.	Kjúklingasalat með Foccaccia brauði Berglind og Rúna 1 kjúklingabringa olía til steikingar 1 msk. hunang ¼ bolli ólífuolía 1 msk. Dijon sinnep ¼ bolli söxuð steinselja ½ tsk. salt Pipar 1 ½ msk. sesam fræ ½ bolli furuhnetur 1 poki klettasalat Aðferð Steikja kjúklingabringuna. Blanda saman hunangi, olífuolíu, sinnepi, steinselju, pipar og salti. Rista sesamfræ og furunetur í örlítilli olífuolíu. Skera kjúkling í teninga. Salatið sett á aflangan disk. Kjúklingurinn baðaður í dressingunni og raðað ofan á salatið. Focaccia brauð Ofn: 200 c undir og yfirhiti og blástur 4 ½ dl hveiti 1 tsk ger ½ tsk hunang 1 ¾ dl vel volgt vatn Aðferð Setjið hveiti, sykur og ger í skál. Blandið vatninu saman við með sleif. Stráið ½ tsk. salt yfir deigið. Hnoðið með höndunum á borði þangað til deigið er alveg sprungulaust. Fletjið út í ferhyrning og setjið á plötu. Blandið saman 1 msk. Af tómatmauki, 1 tsk. Olífuolíu og ½ tsk. Pizzakryddi og massið með fingrunum ofan á og ofan í deigið þannig að holur myndist eftir fingurna. Látið lyfta sér ofan á eldavélinni í ca. 20 mínútur. Bakið í miðjum ofni í c.a. 10 mínútur.	Stökksteikt Bleikja "Melba" framreidd með blaðlauk, eplum og fenniku í kremaðri dill-saffran sósu Guðmundur, Hjörleifur, Óli og Svenni Uppskrift fyrir einn 140 gr bleikjuflök, hreinsuð og tilsnyrt. 2 franskbrauðsneiðar 1/2 msk smjör 1/2 msk ólífuolía salt og hvítur pipar í kvörn Sósa 1 msk grænt epli , flysjað, kjarnahreinsað og skorið í teninga 1 msk fennika skorin í fínan tening 1 msk blaðlaukur, skorinn fínt 1 tsk ólífuolía 6 cl kjúklingasoð 1/2 dl rjómi hnífsoddur af saffranþráðum 1 tsk af fínt hökkuðu dilli örlítill fínt rifinn gulur sítrónubörkur örlítill fínt rifinn appelsínubörkur Salt og hvítur pipar Aðferð Leggið franskbrauðssneiðarnar á bretti , skerið skorpurnar af. Fletjið þétt út með kökukefli þar til það verður örþunnt. Leggið bleikjuflakið með roðhliðina niður ofan á útvaltaðar fransbrauðssneiðarnar. Þrýstið bleikjunni þétt að þannig að franskbrauðssneiðarnar festast við, sneiðið franskbrauðið meðfram flakinu þannig að það passi akkúrat ofan á. Setjið ólífuolíuna og smjörið á viðloðunarfría pönnu við miðlungshita og steikið bleikjuna með brauðhliðina niður þar til brauðið er orðið gullinbrúnt og stökkristað. Stráið smá sjávarsalti og hvítum pipar úr kvörn á hliðina sem snýr upp. Þegar melbabrauðið er orðið gullinbrúnt og ristað, snúið þá flakinu við og klárið í örstutta stund á þeirri hlið. Sósa Í víðum potti, léttsteikið saman eplin, blaðlaukinn og fennikuna við miðlungshita þar til það er orðið lint og karmelliserað. Bætið saffraninu þá út í, hellið soðinu yfir og látið sjóða í nokkrar mínútur. Bætið síðan rjómanum út í og látið allt sjóða saman þar til sósan hefur þykknað. Að síðustu látið ferskt hakkað dillið út í og bragðið til með sjávarsalti og hvítum pipar í kvörn eftir smekk. Berið fram með fersku soðnu grænmeti, salati eða hrísgrjónum.

Fiskiflétta með soðnum kartöflum, gratíneruðu grænmeti og saffransósu Viktor, Kristinn og Ástþór 75-80 gr.Lax 75-80 gr.Smálúða 3-4 stk. kartöflur 1 stilkur broccoli 1/2 lítið blómkálshöfuð 20 gr. rifinn ostur 3-4 dl. rjómi 1.stk cherry tómatur 3 sneiðar lime 2 dl. hvítvín 2 dl. vatn fiskikraftur salt hvítur pipar sósujafnari (maizena) nokkur saffran fræ Aðferð Fiskurinn Lax og smálúðuflök eru roðrifin og beinhreinsuð, flökin skorin eftir endilöngu í ca. 12-13 cm lengjur og 1-1,5 cm breiðar. Síðan er þetta fléttað saman t.d fjórar raðir af laxi eru látnar liggja þversum og fjórar af lúðunni langsum, síðan fléttað saman. Kartöflur Kartöflurnar eru (tjúneraðar) þ.e. flysjaðar þannig að þær verði fimmkantaðar (kartöflurnar eru síðan soðnar) Gratínerað grænmeti Blómkál er skorið niður í litla hausa ca. 1cm sama á við um broccolíið Soðið í sitthvoru lagi í ca. 1 mín. Veitt upp úr og látið renna af því,og sett í eldfast mót, kryddað með svörtum pipar, rjóma bætt útí og rifinn ostur settur ofan á. Gratínerað í ofni við 200°c í 3-5 mín. Sósan Fiskurinn er soðinn í vatni og hvítvíni í ca. 3 mín. (örlítið af salti) þá er hann færður upp úr og fiskikraftur settur í soðið, smá af hvítum pipar, saffran (nokkur fræ) og rjómi. Þetta er látið sjóða og þykkt með maizena. Borið fram Fiskiflétta á saffransósu, soðnar kartöflur og gratínerað grænmeti diskur skreyttur með lime sneiðum og cherry tómat.	Cordon bleu kjúklingur með sveppa- og skinnkufylltri kartöflu Baldur og Alda 1 kjúklingarbringa, bein- og skinnlaus 1 sneiðar soðin skinka 2 msk rifinn ostur 1 msk ólífuolía 60 g hnappasveppir, sneiddir ¾ dl hvítvín, óáfengt ½ dl rjómi ½ teningur kjúklingakraftur salt og svartur pipar lambhagasalat til skrauts Aðferð Leggið kjúklingabringuna á bretti með plastfilmu undir og ofan á og fletjið út í 5 mm þykkt með kökukefli. Leggið bringuna á bretti með ytra byrðið niður og látið skinkusneið á hverja þeirra. Skiptið ostinum á bringurnar og bragðbætið með salti og pipar. Brjótið kjúklingabringuna saman í miðju og festið jaðrana saman með tannstöngli úr tré. Hitið olíuna á stórri pönnu og brúnið kjúklinginn á báðum hliðum. Færið á disk og haldið heitu. Steikið sveppina á pönnu í nokkrar mínútur svo þeir brúnist lítillega. Setjið kjúklinginn aftur á pönnuna og hellið hvítvíninu yfir. Látið sjóða niður um helming. Bætið kjúklingakrafti og rjóma við og sjóðið undir loki við MJÖG vægan hita í 10 mínútur. Berið fram á diski og skreytið með lambhagagrasi. Fyllt kartafla með sveppum og hunangsskinku 1 bökunarkartafla ólífuolía 1 msk. smjör 6 sveppir ½ msk. ferskt timian 2 sneiðar hunangsskinka,söxuð 30 g rifinn ostur Maldon-salt og nýmalaður pipar Aðferð Hitið ofninn í 200°C. Raðið kartöflunum á ofnplötu og dreypið ólífuolíu yfir. Bakið í u.þ.b. klukkustund eða þar til kartöflurnar eru bakaðar í gegn. Skerið þær til helminga og holið að innan með skeið. Bræðið smjörið á pönnu og steikið sveppina með timian kryddinu. Bætið skinkunni við. Blandið kartöflukjötinu saman við sveppablönduna og hrærið ostinn saman við. Kryddið með salt og pipar og fyllið kartöfluhýðið með blöndunni og bakið í 10 mínútur	Kornhæna (quail) og Polenta með blaðlauk og gorgonzola Bjartey, Dóróthea og Sigríður 2 kornhænur 2 sneiðar Rioja skinka, smátt skorin Ca 4 lauf af ferskri salvíu ½ bolli fersk sólber Olía til steikingar Salt og pipar Tæplega 1 msk. gin 1 msk. óáfengt hvítvín ½ bolli villibráðarsoð (soðið af hænunni og villibráðarkraftur ef þarf) Aðferð Hreinsið hænurnar og fjarlægið leggi, hálsa og vængenda sem eru síðan brúnaðir í potti í 1 msk. olíu. Því næst er 2 bollum af vatni bætt út í og látið sjóða niður um helming við vægan hita. Skinkan er söxuð smátt ásamt salvíunni. Þessu er skipt í 2 jafna hluta og sett inn í fuglana ásamt 3-5 (eftir stærð) sólberjum í hvern. Lærin á fuglunum eru bundin saman þannig að þau loki vel fyrir fyllinguna. Hænurnar eru kryddaðar með salti og pipar eftir smekk og brúnaðar á heitri pönnu þar til þær verða gullinbrúnar á litinn ( ca. 3-4 mín.). Þær eru síðan settar í eldfast mót og steiktar í 220°C heitum ofni í 7-9 mín. eftir stærð. Á meðan fuglinn er í ofninum er sósan löguð. Pannan með skófunum er sett á heita hellu og skófirnar leystar upp með gini og hvítvíni. Soðið sigtað og bragðbætt með villibráðarkrafti. Þegar skófirnar eru uppleystar í víninu er soðinu bætt út í ásamt sólberjum. (má þykkja með smjörbollu ef vill) Polenta með blaðlauk og gorgonzola ½ stk. fennel ½ stór laukur 2 msk. extra virgin ólífuolía Salt og pipar ¼ bolli þurrt rauðvín ½ blaðlaukur (einungis hvíti hlutinn) 1 tsk. smjör 3 dl grænmetissoð (vatn og ¾ teningur grænmetiskraftur) 1 dl maismjöl (polenta) Ca. 25 g. gorgonzola Hökkuð steinselja Aðferð Snyrtið og skolið fennel, skerið í tvennt eftir lengd og síðan í ½ cm þunnar sneiðar. Farið eins að með laukinn. Hitið 3 msk. af olíu á pönnu og brúnið fennel og lauk. Kryddið með salti og pipar. Hellið rauðvíni yfir og látið malla uns það er soðið niður. Sett til hliðar. Hreinsið blaðlaukinn og skerið hann í tvennt langsum og síðan þversum í þunnar sneiðar. Setjið 1 msk. olíu og smjör á pönnu og mýkjið laukinn. Saltið örlítið. Hitið grænmetiskraft og vatn í potti og bætið polentamjöli saman við. Lækkið hitann. Látið sjóða en hrærið stöðugt í á meðan þar til polentan verður þykk og mjúk. Blandið blaðlauk saman við ásamt gróft hökkuðum gorgonzola.osti. Hrærið í þar til osturinn er að fullu uppleystur. Polentan á að vera þykk og mjúk en ekki stíf. Bætið meira soði út í ef þarf. Hitið fennel og lauk, má mýkja enn frekar með grænmetisoði. Polentunni er skipt niður á diska og fennel og lauk dreift yfir ásamt steinselju og fuglinn svo settur ofan á.

Lambafillet með gylltum kartöflum og tatzikii sósu Símon og Sigurður Tatziki sósa 1 dós hrein jógúrt ½ agúrka Nokkur kóríanderlauf Hvítlauksmauk á hnífsoddi Limesafi Ögn af þurrkuðu dilli og ögn af hunangi Gúrka skorin í teninga og síðan öllu blandað saman í skál og látið standa í 1 til tvo tíma áður en borið er fram. Gylltar kartöflur 4 stk rauðar kartöflur ½ dl ólífuolía Sjávarsalt og pipar 1 stk timían Maukað hvítlauksrif Kartöflurnar skolaðar og skornar í báta og settar í eldfast mót . Öllu öðru blandað saman og hellt yfir kartöflurnar og síðan blandað vel. Ögn af auka salti og pipar stráð yfir. Bakað í ca 28 mínútur við 180°C þangað til kartöflurnar eru fallega gullnar og mjúkar í gegn. Lambafillet 1 lambafillet Rósmarín 2-3 hvítlauksrif 2 dl Ólívu olía Örlítið af nýkreistum sítrónusafa og sítrónuberki Salt og pipar Skerið 3 rákir í fituröndina á filleinu og passið að skera ekki skera í kjötið. Blandið öllu saman í kryddlöginn og látið kjötið bíða í leginum í 24 tíma í ísskáp. Hitið pönnu á hæsta hita þangað til hún er sjóðandi heit og leggið svo kjötið með fituhliðina niður á pönnuna og lækkið hitann um 1/3. Steikið kjötið þangað til fitan brúnast fallega (3 mín.). Snúið kjötinu við og steikið áfram í 2 mínútur. Pakkið kjötinu í álpappír og bakið í ofni í 3-5 mínútur og notið tangir. Látið kjötið standa í 10 mínútur og skerið svo í tvennt á ská eftir endilöngu fille-inu. Salat Hnefafylli klettasalat 8 vínber skorin í tvennt Ögn af olífuoíu. Öllu blandað saman Ögn af balsamic ediki til að skreyta diskinn	Lambakjötsstrimlar með villijurtum Daníel, Börkur og Guðmundur 200 g beinlaust lambakjöt ¾ msk. olía Salt og pipar Sósa og meðlæti ½ rauðlaukur 50 g blandaðir sveppir ½ dl kjúklingasoð (vatn og ¼ teningur) ½ msk. tómatmauk ¾ dl rjómi ¼ msk. villijurtakrydd frá pottagöldrum ¼ msk. sítrónusafi 1 msk. steinselja ¾ msk. matarolía salt og pipar Aðferð Skerið lambakjötið í strimla og snöggsteikið í heitri olíu. Bragðbætið með salt og pipar, setjið til hliðar. Sósa og meðlæti Skolið pönnuna, látið olíu á hana aftur. Saxið rauðlauk og skerið sveppina gróft, snöggsteikið í 2 mínútur. Bætið þá kjúklingasoði, tómatmauki, rjóma og sítrónusafa út í. Sjóðið í 3-4 mínútur. Hrærðar kartöflur með spínati og rjómaosti 6 litlar kartöflur 1 msk. rjómaostur 1 tsk. smjör ¼ tsk. salt ¼ tsk. nýmalaður svartur pipar ¾ tsk. Olífuolía 60 g ferskt spínat Afhýðið kartöflurnar og sjóðið í léttsöltuðu vatni (3/4 tsk. salt og vatn svo tæplega fljóti yfir) þangað til þær eru mjúkar (25 mín sirka). Hellið öll vatninu af og látið gufa vel upp af kartöflunum og stappið svo ásamt spínatinu meðan kartöflurnar eru heitar. Bætið öllu öðru í og hrærið vel saman með skeið.